我上網search啲評語，普遍都話小朋友都學識自理，好鐘意《巧虎》之餘仲學識外語，所以我又癮到要資料搜集，同大家分享。
Baby Kingdom評語
Blogger分享（按連結至Blog內容）
原來《巧虎》有幾個版本，分別係日本版（好似有日語同英語）、台灣版、大陸版 ，同埋2013年9月先有嘅香港版，香港版仲係由《Baby-mo》出版添。我覺得應該係好野先會有咁多個版本，搞到我更加有興趣。
由於香港版出左冇耐，所以唔多評語，不過都畀我搵到啲Blogger媽咪分享，當然唔少得小檬媽介紹啦：
上網睇好似日本版最精美但係最貴、台灣版（NT4800一年）同大陸版（RMB1200一年）相對算平不過唔知運費點計（註：有啲人話台灣版國語唔標準）。至於香港版要HKD2180一年包郵費，睇番《巧虎》啲介紹資料，佢暫時只有適合1至2歲嘅「寶寶版」，同埋適合2至3歲嘅「幼幼版」，而其他國家就已經出到適合8歲小朋友嘅版本。
寶寶版：開心玩、快樂學，踏出探索第一步
幼幼版：會表達，有禮貌，守規矩
雖然肚B已經20個月大，但其實「寶寶版」起碼一半唔識，另一半都係返playgroup之後先識做但都不受控，只有出街拖手先最乖。香港版要HKD2180一年唔算平，但如果要學自理我覺得用母語先最好（註：香港版有部份內容會用國語，等小朋友可以學埋外語），加上平時奶奶對肚B照顧周到根本唔洗自己郁手，所以我真係心思思，好想試下《巧虎》究竟有幾神奇。
其實我地唸住肚B返埋2月就唔再上playgroup，如果以playgroup個價錢去訂《巧虎》好似都OK呀？（自我催眠中）
