兩歲健康院說話檢查

之前歲半返健康院檢查好多個測試都fail，加上肚B仲係BB話，所以約左今日再返健康院檢查。姑娘問完一啲基本資料之後，問到肚B講野進度，我話肚B都主要係BB話，不過依兩個月多左模仿，好似「E」、「呀」同埋「乞啑」（依個時候肚B即刻扮「乞啑」^^"），極少情況先會叫人，好似「媽媽」同「嫲嫲」咁。

      

跟住姑娘拎左張書仔講日常用品黎考肚B，起初肚B都冇反應，後尾先識得指出黎。

      

姑娘問平時肚B係點，我話同佢講野佢都明，叫佢執玩具佢逐樣講出黎佢都識跟住執，睇書都識指番啲動物出黎。姑娘話咁都冇咁擔心，又話通常小朋友返學之後都會好啲，要等半年後再返健康院見姑娘跟進，到時先決定係咪見醫生喎！      

      

前睇一仔媽篇post「2歲說話檢查」，都有講下應該要點做（例如：可以畀菜莖同成個蘋果畀小朋友食，訓練口部肌肉），但我今次返去乜都冇，淨係畀左隻碟畀我叫《BB話你知》（Youtube：BB話你知 | 言語治療師話你知 | 溝通技巧你要知）。

   
除左說話檢查，姑娘話肚B個生長線不停咁跌（肚B由高峰90果條生長線，每次返健康院都跌，今次磅有10.8kg跌到得25-50生長線中間），反而就約左6月中見醫生。