好似我揀依塊100 x 80cm要RMB95，連埋包裝重大約2.5kg。其實佢個包裝重過塊軟白板，因為佢用硬紙筒去保護塊軟白板，另外我揀依塊係0.7mm厚，後面有鐵性可以響白板面貼磁石。
白板牆貼 @ RMB95，連埋運費兌番港紙大約HK$140 (淘寶連結)
講番個製作過程先，本來睇淘寶個賣家話要用雙面膠紙同埋釘，但我又唔想整爛度門，所以就買左《3M》無痕貼
個補充裝有3款唔同大細嘅無痕貼，我預大塊貼上面，細塊貼下面，好似咁樣
我襯肚B瞓晏覺時貼，佢起身見到咁大塊白板好開心呢 ^_^
間舖仲送左個細細個白板刷，背後有磁石可以貼響白板面。由於畀小朋友用，我仲特登買《Crayola》隻白板筆，不過我覺得都好大陣味，下次要試佢隻白板蠟筆先得！
肚B有時大力會畫埋門框，所以我用啲咭紙貼四條邊做白板框，早知就揀100x60cm @ RMB68就仲抵
其實我好滿意個軟白板夠慳位，美中不足就係塊白板面有啲花痕，寫完刷唔到。我問番淘寶賣家，佢又好爽快話補發畀我，講真用左無痕貼我唔會換，本來多左依塊想送畀朋友，但佢同我share一半費用，變相又再抵啲 :D
