自從舊年成日病、公司又忙左、細女勁痴身，iPhone用blogger app又彈app...等等因素，我已經少左寫blog，加上肚B開始大，我想保護番佢嘅私隱（之前幾次畀人偷相，有次仲畀「怪獸父母」用肚B張舊相寫到好似已遭遇不測！），所以已經有去意。
我自從陀肚B開始寫blog，因為當時陀得唔穩好擔心，所以自果時開始會紀錄佢嘅成長點滴。我最開心係識到一班好好嘅blog友，以前肚B講野唔叻，有幾位blog友仲主動幫我，介紹語言治療服務又邀請肚B一齊玩等佢多啲同小朋友接觸。老實講，我join過唔同嘅媽媽group，一早quit晒，但我好珍惜依班blog友，因為佢地個個都好好，同佢地一齊會好自然好舒服（難得連我老公都咁講） ^_^
我唸寫blog另一個得著就係有PR聯絡試用產品，講真一開始係心動架，寫多左又發現原來好多依類「廣告」，開始唔識分真假。我唔想為左得到更多而夾硬寫得好好，所以我一定會寫明試用同憑良心講。
好似有少少對唔住肚B妹，因為寫佢嘅內容真係好少。其實佢好可愛又鬼靈精，同埋我宜家先知，原來發展正常嘅話，好多野唔洗教都識講識做！好記得肚B響20個月先發第一個音，但肚B妹同月齡已經識講組合字，宜家仲識講短句呢 ^_^
肚B
細妹
