相比起藍醫生，我覺得照Oscar依位蔡醫生畀我感覺麻麻，佢坐響度對答係問一句答一句，好冷漠。我因為之前成日都下腹痛，蔡醫生淨係話「依個週數係咁架啦」，一啲解釋都冇。不過一到照Oscar果陣佢又有番少少笑容，佢仲每一部份都有講：依度係左手／右手、左腳／右腳、臍帶，有聽BB心跳同度佢心跳速度（一分鐘16x下）。咁啱見到BB手仔，佢就話BB打緊招呼，量度BB頸皮同埋頭臀又度左幾次，總之照Oscar過程係好開心。
照完到坐番低時，蔡醫生又變番原本咁樣咁冷漠，最可惜就係本來想畀錢錄DVD，但蔡醫生話可能錄唔到，結果返屋企隻碟真係Play唔到...今次咁啱老公陪唔到我去檢查，我真係好想畀老公聽下BB心跳，睇BB咁精靈活潑。
今次照Oscar，BB頸皮1.2mm厚，頭臀長度46.4mm，今朝收到姑娘電話通知驗血結果係1:7494係低風險，$2000買左個安心，為左BB係值得架！
