13週怕醜B

終於又可以探BB啦，之前聽朋友講照Oscar果時已經見到BB性別，咁啱照果時見BB蜢脾，我就問藍醫生係咪可以睇到，藍醫生話如果唔怕唔準都可以睇下。



點知到想認真睇BB性別時，佢就交叉腳夾脾，好怕醜B呀～不過藍醫生話番，原來上次照Oscar果位蔡醫生估係女，而藍醫生就估係仔，唔知邊個準呢？雖然仔女都冇所謂，但真係好想快啲知道BB性別，可以開始睇或者買BB衫仔呢 ^.^

今日13週，開始要每次覆診都磅重量血壓，由於唔係高齡而且屋企人冇糖尿病，藍醫生話只係每次黎產檢驗小便check糖尿水平就OK。

藍醫生話我宜家係Honeymoon，可以四個星期覆診一次，下次要12月28日先再探BB啦。