13週廣華照Oscar

雖然之前響私家照左Oscar，但因為上網睇有啲人話如果有得排照結構，照Oscar果時就會畀埋照結構個期。由於我第一次產檢都排到去19週，所以都照去廣華照Oscar唸住問下姑娘。
   
約左9:10AM，早左15分鐘去到之後入左間房睇關於照Oscar短片，睇左中、英文重覆2次之後姑娘終於叫我入房啦，原來照Oscar係由姑娘幫我照？！
   
姑娘話BB頭臀長大概6cm，有講邊度手手腳腳，但就冇私家講得咁詳細，甚至BB頸皮厚度都冇同我講。雖然係咁，果位姑娘都好nice仲有同我傾左幾句，臨尾仲送左幅超聲波相畀我。講真，政府照得好似矇查查，不過我好surprise姑娘咁好人呢。我問姑娘會唔會有得照結構，佢都話只有高齡先會安排到，叫我可以預定私家，好彩我一早已經book定！
   
後尾出去抽埋血，姑娘話有問題會一個星期左右通知，跟住抽埋血就走得，果時先係10:00AM，估唔到咁快呢。