今日見肚腩B腳撐撐咁，我問藍醫生佢撐果個位係咪肚皮，醫生話咁早feel唔到住。雖然係咁，由16週開始我每晚都會聽住胎教音樂，雙手摸住肚皮希望feel到肚動。上網睇人地分享，肚動感覺似係肚皮跳一下，有啲形容係好似啲氣泡爆左咁，有啲就話好似金魚響裡面撩撩下…暫時我試過摸住肚皮有啲跳一下感覺，但又唔知係咪真，究竟幾時先可以真真正正感覺到胎動呢？真係好期待依種感覺！
今日去診所磅重，著埋鞋原來都有120磅，已經重左10磅，肚圍就有33吋，食飽仲會再多1吋添！其實懷孕初期個肚腩已經唔弱，不過一瞓醒就扁番，所以老公成日摸住我肚腩叫BB做肚腩B。宜家我瞓醒度肚圍都有33吋，咁證明已經唔係肚腩，而真係BB啦！
依張相難得影得咁清又見到條長腿，最可惜有個位印到甩色
