今日約左鄧悅翹醫生3:00PM照結構，我同老公早左上去，當時診所仲未開淨係得我地兩個，但係姑娘都畀我地入去坐陣先，等左一陣就入去見鄧醫生啦。入到去，鄧醫生已經好nice好有笑容，問完我一啲基本資料就入另一間房照結構。
之前上網搵照結構醫生，見有人話鄧醫生好細心好nice，原來係真架！入到房，鄧醫生好細心咁逐一部份解釋畀我聽：
- 由BB頭仔開始：度頭圍 / 照腦 / 度後腦長度 / 睇雙眼同眼珠 / 睇鼻仔同鼻孔 / 度鼻骨長度 / 睇上唇下唇確保冇兔唇
- 到BB身仔：睇心臟左右心室同心瓣 / 胃部 / 腎臟 / 臍帶同臍帶中血管 / BB性別
- 仲有BB手腳：數左右手指 / 數左右腳指 / 度大腿骨長度
總括黎講BB健康正常，週數吻合，預產期就早左一日，我終於可以放下心頭大石啦！照結構超聲波用左13分鐘，盛惠$1300包一份報告、一隻DVD（隻DVD唔知點解響電腦同放入DVD機都play唔到，用software轉到尾臨又hang，後尾用WinX DVD Ripper先成功轉到檔）同埋有相（有8張咁多，平時產檢一張都要$10）。
最開心係畀錢時姑娘問我打算畀BB飲咩奶粉，我話未決定，姑娘就拎左個Friso袋同埋畀左兩罐雅培奶粉Sample畀我啦！我問姑娘有冇啲入會Form，佢幫我揀左幾間大奶粉商，話填完會有人call我送贈品。其實果幾間之前上網都登記左，不過有部份都仲未收到贈品，同埋聽講響診所填Form啲贈品會多好多，希望係真啦！
度BB鼻骨長度，仲見到BB手仔添！
睇BB性別，係囡囡黎架（醫生話見到有3點）
雅培奶粉Sample + Friso袋仔一個（Friso媽咪奶粉係放出黎任人拎架～）
