BBCare產前講座

之前見BBCare有免費產前講座所以報左名，不過有同事上過收費嘅湊B班話好hardsell（例如：講到啲食物好唔得，要食有機食物，順便就sell營養補充劑；講BB打針，就sell疫苗計劃），本來都有少少爭扎好唔好上，不過見上次上完美素佳兒個講座之後都冇點聽過湊B嘅講座，所以都照同老公去。今次報左兩個班，分別係尋晚上嘅「準父母湊B全攻略」同埋今日上嘅「分娩過程及助產減痛錦囊」。
 
首先講尋晚個湊B班，睇資料啲禮物就唔多吸引，不過見佢講點樣湊BB先去。當然，BBCare都有賣廣告環節，都算啦，個姑娘講常見湊B誤解，佢好似楝篤笑（但唔好笑）嘅形式去講啲湊B誤解，講左成個鐘其實內容唔算多，但講就多示範就少，一時又高八度咁講野，我覺得好刺耳好唔舒服。跟住講BB百日哭，唔知點解叫佢奶奶上台講（原來佢係陪月顧問），最好笑就係兩個人響台上面，個姑娘講野時奶奶搶住講，好亂，都唔知聽邊個講好。如果一心想學下點湊BB，我覺得上美素佳兒或者Baby Planner實用啲！
 
捱左成個鐘，到另一個人講點解教BB，講胎教果部份我先覺得實用少少：

• 胎教音樂：
  - 舒適放鬆、節奏輕快，以鋼琴或小提琴曲最理想
  - 可於距離腹部約2-5cm播放胎教音樂，每日1-2次，每次5-20分鐘
  - 建議莫扎特音樂，但不建議貝多芬音樂
     
• 運動胎教：
  - 以撫摸、彈扣、拍打，每日固定時間做
  - 16週開始撫摸式胎教，由腹部上至下、下至上、左至右、右至左撫摸，每日5-10分鐘
  - 20週開始彈扣式胎教，將食指放在中指上滑下彈扣腹部
  - 24週開始拍打式胎教
     
• 言語胎教：
  - 16週開始每日以約1分鐘與BB對話，宜採用相同的開頭及結尾

後記：我開左個即棄電郵登記講座，之前登記左咁多間媽媽會都未收過不知明公司嘅垃圾電郵，但係登記左BBCare之後就收到，唔知有冇關係呢？！第時應該一間公司開一個即棄電郵，咁就可以知道邊間公司會賣客戶資料
 
講座資料：

 
講座禮品（最右果包係無花果 -_-"）：

 
到今日上果個「分娩過程及助產減痛錦囊」講座，其實都預左Cordlife會介紹儲臍帶血嘅資料，自己都想知多啲，一聽就個幾鐘。跟住又到番尋晚個姑娘講分娩過程同點樣減痛，其實係講番可以揀無痛分娩同埋教點樣呼吸，講左唔係好耐個姑娘又講番臍帶血，部份內容係頭果個幾鐘講過嘅資料，唔洗真係咁hardsell呀？真係好煩、好悶囉！如果想聽依啲資料，去雀巢講座或者政府醫院嘅「產前講後護理」班個實用性仲高…
 
講座資料：

 
講座禮品（張Coupon可以免費享用VEGAS自稱價值$800「全身孕婦舒緩按摩乙次」）：