雀巢產前講座

登記左雀巢媽媽會之後，有次收到佢SMS通知有個產前講座，有理冇理即刻報左先。問過雀巢啲職員，如果收到短訊果啲人會優先，冇收到或者未登記雀巢媽媽會果啲都可以報名但就會waiting list，因為佢地會因應個週數而安排講座喎～
 
臨上講座前一晚收到SMS提示，都幾好服務，不過講座個時間好似早左啲，好多人都趕唔切去所以遲左十幾分鐘先開始。成個講座主要講生產過程同母乳餵哺，不過最特別係佢播左分別順產同剖腹生BB嘅過程（節錄），見到啲醫護人員拎個剛出世BB出黎果下，唔知點解覺得好感動，真係好期待依一刻呀！
 

 
雀巢講座禮物係繼雅培之後第二豐富