返playgroup有進步

好開心呀，其實上次肚B返playgroup已經有進步，我唸住睇埋今個星期佢表現點，都仲keep到，所以要記得佢。
     
肚B之前上playgroup完全唔聽指令、唔會放好玩具、坐唔定成日周圍搞、要佢專心做啲技巧（如：搣貼紙）野就發脾四、要佢跨過啲障礙物佢就會趴響度玩啲障礙物...
     
不過響依間playgroup上左5堂之後，上星期開始肚B明顯有進步。臨去班房前肯放好玩具、肯試做技巧野、玩認物／認顏色活動會認到、今堂要跨過障礙物同埋行BB平衡木都行到 ^^
     
雖然間中都坐唔定想周圍搞，但我叫佢等一陣佢間中肯聽，同埋唔會發脾四添！雖然比起其他BB，肚B講野方面冇咁叻（仍然係BB話，連baba mama都極少講），但我已經好開心啦^^
     
我唔望肚B好叻叻，但只要見到佢有進步，原來已經好滿足呢 ^^
     
我地通常上完playgroup會去食tea，肚B就食奶奶，宜家食野都會搵啲有BB highchair地方，咁先真係食到野呀！