回想番當初肚B出世，因為唔識同唔夠堅持做左全泵媽，由高峰期一日泵11次（每次兩邊加埋起碼泵 + 手擠45分鐘），慢慢減泵次數，興幸我直至決定收奶之前都仍然可以全母乳餵哺。雖然我係全泵媽，但我仍然記得當初試埋身攬實肚B個sweet sweet情景，如果有緣可以有下一胎，我一定要堅持埋身。
講番我個收奶過程：由一日泵3次共750ml → 一日泵2次共640ml → 一日泵2次每次240ml → 一日泵2次每次150ml，之後再每日減少少減到每次60ml，然後就試一日泵1次個胸已經唔谷啦，我再儲多3日夠肚B最後一餐奶，食乳鴿同飲淡豆豉決定開始停泵啦，希望可以無痛自然收奶啦！
原來唔覺唔覺自己都寫左咁多篇關於餵母乳嘅分享，襯今次黎個總結。
準備篇
- Kinetics產前講座 >> 上產前講座講解母乳餵哺技巧
- 為餵哺母乳做好準備 >> 飲食、餵哺方法、泵奶方法（我覺得根本唔洗戒口，我到後期除左咖啡同可樂，其他咩都照食照飲，就算食豬潤都唔覺少奶）
- 餵哺母乳實戰篇 >> 想像與現實嘅分別，實戰經驗
- 全泵奶媽 >> 頭一個月奶量分享，一開始泵得少係好正常
- 第一次泵爆樽 >> 爆樽紀念，我自己用豆漿煲通草開始多奶
- 全泵媽：一日泵7次（只要勤力，一定有奶） >> 雖然做足準備，但到肚B出世遇到好多預期唔到嘅事，經驗同解決方法分享 [推介]
- 全泵媽：一日泵6次 >> 經驗分享，引奶陣真係好緊要
- 為返工泵奶做好準備 >> 返工泵奶必備用品
- 全泵媽：一日泵5次（苦盡甘來） >> 泵奶schedule經驗分享
- 又塞奶塞鑊勁 >> 塞奶最甘一次，解決方法經驗分享
- 全泵媽：一日泵4次（泵媽的感慨） >> 不眠不休做全泵媽，好似犧牲左同肚B相處時間，但發現再減泵次數奶量都冇大減
- 愛。從母乳開始 >> 又一篇經驗分享，我覺得可以成功餵母乳嘅要 [推介]
- 全泵媽：一日泵3次（多謝人奶爸） >> 減泵次數 + 泵奶schedule分享
- 臨尾香？！（餵母乳有咩藥唔食得） >> 餵母乳咩藥唔食得？其實一般傷風感冒肚屙頭暈身興都餵得！
- 全泵媽：一日泵2次 >> 減泵到2次，全泵媽黎講都仲夠肚B食
- 母乳情意結 >> 原來收奶係會咁唔捨得，不過之後唸通左又覺得OK
