全泵媽：計劃收奶

一路唸住等肚B一歲就計劃收奶，所以響肚B夠一歲時就開始一日泵2次，唸住會慢慢收奶，不過依個月我除左M前M後一段時間會少啲奶，其他時間都維持到一日泵640ml夠肚B食3餐奶。咁啱尋日玩到散晒，今朝起身泵奶時覺得好攰，好想真係可以瞓到自然醒，所以就決定今日開始慢慢減產。
 
其實餵左成年而且都算夠奶，真係有啲唔捨得收奶，加上我唔知點收奶先好。見人地分享，有啲人話食收奶丸會縮胸，要慢慢自然收奶先唔會縮胸，但有啲人又話要個胸仲有奶時收先唔會縮喎？！咁應該點先唔會死得咁慘呢？我真係唔肯定，唯有自己試下啦，我選擇慢慢減產到自然收奶。
 
想收奶可以食韮菜、乳鴿、豬潤或者中藥淡豆豉，但係咪食依啲就會食到冇奶呢？見有人又話要收奶係直頭唔泵奶，或者用野扎住個胸迫佢收奶，但咁樣會唔會谷到變石頭胸呢？唸唸下有啲驚添…有冇經驗媽媽可以教下我？
 
我唸住今日開始一日泵1次240ml for肚B兩餐，過一星期就食下野收奶，之後就試下一日泵1次睇下咩情況先。