今日肚B老師打畀我，同我傾下肚B講野進度，主要想了解下肚B響屋企個情況。
我話肚B返學後係有明顯進步，有時我教佢會跟住講，最近學校學識數1-10，奶奶話佢行樓梯時都有響度數。不過，都係未識講簡單句子，老師仲話如果淨係跟住講唔算係溝通。
老師講番肚B響學校同同學嘅溝通係零，老師問佢野都唔答，但會有身體語言去表達。有時佢想同小朋友一齊玩玩具，但因為唔識講，其他小朋友覺會佢搶玩具，不過當其他小朋友拎肚B啲玩具，肚B就可以同人一齊玩。
聽到依度我有啲眼濕濕，覺得肚B因為未識表達而令人誤會佢原意，又唸佢會唔會因此而唔開心（不過講真，我都會以為肚B搶玩具，係老師留意到其實肚B想同人一齊玩）。我問老師啲小朋友會唔會排斥佢，老師話小朋友仲細未識去排斥人，跟住就叫我都努力，佢地響學校都會加油。果下覺得好感動，老師好好，唔好厭棄肚B唔識表達而放棄佢！
希望肚B可以不斷進步，可以同我交流傾心事啦！
我話肚B返學後係有明顯進步，有時我教佢會跟住講，最近學校學識數1-10，奶奶話佢行樓梯時都有響度數。不過，都係未識講簡單句子，老師仲話如果淨係跟住講唔算係溝通。
老師講番肚B響學校同同學嘅溝通係零，老師問佢野都唔答，但會有身體語言去表達。有時佢想同小朋友一齊玩玩具，但因為唔識講，其他小朋友覺會佢搶玩具，不過當其他小朋友拎肚B啲玩具，肚B就可以同人一齊玩。
聽到依度我有啲眼濕濕，覺得肚B因為未識表達而令人誤會佢原意，又唸佢會唔會因此而唔開心（不過講真，我都會以為肚B搶玩具，係老師留意到其實肚B想同人一齊玩）。我問老師啲小朋友會唔會排斥佢，老師話小朋友仲細未識去排斥人，跟住就叫我都努力，佢地響學校都會加油。果下覺得好感動，老師好好，唔好厭棄肚B唔識表達而放棄佢！
希望肚B可以不斷進步，可以同我交流傾心事啦！
