首先想介紹依個姓名織帶，因為之前淘果啲姓名熨貼，洗多幾次已經開始甩，但要用針線縫番又唔容易喎。原來熨貼咁易甩，真係唔懶得囉！
依款姓名織帶，店主話剪出黎時要用火機烤邊先唔會甩線，雖然要多個工序，不過可以揀4個公仔款都幾靚，而且就算整響衫裡面都唔會吉肉。
姓名織帶 @ RMB26 (http://taotaozhi.taobao.com)
另外，之前返學校聽左個關於專注力講座，教可以透過遊戲去訓練小朋友專注力，好似拼圖、連線畫，填顏色咁，所以我又淘左啲拼圖同書返黎。
拼圖、書、筷子 (http://abcshudian.taobao.com)
拼圖 @ RMB7.5 (有4塊、8塊同12塊，每套有2款，用厚咭紙做)
填顏色書 @ RMB5.5 (每本有13幅圖可以填顏色，左邊會有幅圖比小朋友去跟，不過肚B都係亂填 @@)
連線書 @ RMB6 (有A-Z、1-10、1-20同1-100，肚B學識頭兩樣所以淘左依兩款，不過買返黎先留意到A-Z係細草，肚B淨係識大草)
由於肚B平時鐘意搶我地筷子黎玩，所以想畀佢開始學拎筷子。之前朋友話個囝用套響手指果款筷子會懶去轉，所以送左一款有個公仔響頂可以插住兩支筷子個款畀我，不過好易甩出黎，所以我就淘左依款畀肚B。
筷子 @ RMB5
雪靴 @ RMB26.9 (http://shop102704563.taobao.com)
其實舊年都淘過畀肚B（見「淘：雪靴」），今年唔啱著所以要再淘過，我發覺佢啲毛毛係靚左架！
今次買玫紅色我覺得好靚呀，不過佢啲碼偏細，肚B腳板長差唔多14cm，我預鬆少少買左26碼（內長15.8cm），如果跟佢咁講腳長加1cm應該會唔啱著，因為舊年果對22碼（內長13.7cm）已經頂趾啦！
新年裙 @ RMB99（http://heziji.taobao.com）
我覺得小朋友著新年裝先最可愛，上次淘果款畀人話似武獅，而且啲金線又勁易甩，所以今次揀左依款，實物同相一樣，啲毛毛又滑，好靚呀！不過要滿RMB128先國內包郵，所以要加RMB10運費送去集運點。
不過係短袖，所以要買件打底衫先得
米奇妙妙屋 @ RMB55 (http://yueyu8.taobao.com)
不過係短袖，所以要買件打底衫先得
米奇妙妙屋 @ RMB55 (http://yueyu8.taobao.com)
之前去迪士尼睇米奇show肚B好鐘意，之後有次放假睇到無線播《米奇妙妙屋》佢仲睇到笑晒咁，所以就淘畀肚B睇。結果肚B真係勁鐘意，成日提住米奇、米妮、高飛狗，仲成日跟住講裡面啲對白。有時我搭住佢膊頭一齊睇，佢仲會好開心回頭笑住望住我咁講添架 ^^
雖然佢只係燒碟版，但質素都OK，有好多語言可以揀，廣東話版係無線配音添架，你睇肚B睇得幾開心 ^^
雖然佢只係燒碟版，但質素都OK，有好多語言可以揀，廣東話版係無線配音添架，你睇肚B睇得幾開心 ^^
