27週細妹，得一幅相見到樣
其餘時間，全程用雙手遮樣 ^^" 
同上胎一樣，27週細妹又係得2磅左右，屬中碼偏細B。明明我兩胎都勁大食，唔知點解兩個都係細細粒呢？
今胎比第一胎辛苦少少，除左有嘔之外（好彩只係晨吐，過左3個反而嘔多左，仲試過幾次嘔黃膽水），因為公司忙左好多，放工放假又要湊肚B，所以休息時間都少左。
可能係第二胎關係，今次戒口都冇咁清，我係除左魚生同雪糕冇食過之外，辣野涼野、煎炸汽水零食都有食！唸落都有少少對唔住細妹，所以後期都乖番啲架啦 ^^"
細妹同肚B一樣，成日響我肚裡面係咁郁，我宜家成日都會摸住個肚去感受細妹胎動，好好珍惜佢仲響我肚裡面嘅日子！有次想同老公講細妹點郁法，我發覺今胎連乳名都未改，老公話叫「肚B 2」，因為啲續集都係咁叫喎 XD
