話咁快今日就懷孕37週啦！
第二胎我覺得真係辛苦啲，上胎我只係試過兩次想嘔，今胎就由有左無耐到8個月加埋嘔左十幾廿次。另外，細妹比肚B胎動更勁，有時真係畀佢踢到幾痛架，加上要湊住肚B，休息時間都少左。
上一胎我響法國醫院生肚B，本來今胎都有畀晒訂金唸住去法國生，但因為第一胎開刀嘅關係，今胎QE畀我揀開刀定順產。其實本身都好爭扎，去私家生我公司有得claim一部份，不過法國餵奶限時限刻，我唔想出院先黎追奶而忽略左肚B，所以最後都決定去QE生，因為政府醫院鼓勵餵母乳，加上老公係公務員，如果好彩畀我排到私家病房應該都唔錯呀！
其實生第二胎，我最擔心係肚B嘅感受，始終佢仲未太識表達自己。雖然我間中都同肚B講做家姐，肚裡面BB係佢細妹，有時叫佢摸摸或者錫錫BB都會照做，但我知佢係唔明架…所以工人姐姐黎左之後，我都開始放手畀工人照顧肚B，唔想到我生之後先有咁大轉變呢。
我同老公商量過，決定生完初期我地同細妹同房方便照顧，奶奶就同肚B同房（因為佢有時會半夜擒出黎，我唔想工人姐姐同肚B同床瞓），遲啲工人姐姐間房會裝修同放張上下格子母床，到時就畀肚B同工人姐姐同房。其實我好唔捨得架，一黎肚B臨瞓好多野講可以知道個傻妹講咩，二黎又覺得佢已經有自己感受，想可以陪到佢…不過工人姐姐房又未必放到BB床，真係煩惱，唯有見步行步啦！
第二胎我覺得真係辛苦啲，上胎我只係試過兩次想嘔，今胎就由有左無耐到8個月加埋嘔左十幾廿次。另外，細妹比肚B胎動更勁，有時真係畀佢踢到幾痛架，加上要湊住肚B，休息時間都少左。
上一胎我響法國醫院生肚B，本來今胎都有畀晒訂金唸住去法國生，但因為第一胎開刀嘅關係，今胎QE畀我揀開刀定順產。其實本身都好爭扎，去私家生我公司有得claim一部份，不過法國餵奶限時限刻，我唔想出院先黎追奶而忽略左肚B，所以最後都決定去QE生，因為政府醫院鼓勵餵母乳，加上老公係公務員，如果好彩畀我排到私家病房應該都唔錯呀！
其實生第二胎，我最擔心係肚B嘅感受，始終佢仲未太識表達自己。雖然我間中都同肚B講做家姐，肚裡面BB係佢細妹，有時叫佢摸摸或者錫錫BB都會照做，但我知佢係唔明架…所以工人姐姐黎左之後，我都開始放手畀工人照顧肚B，唔想到我生之後先有咁大轉變呢。
我同老公商量過，決定生完初期我地同細妹同房方便照顧，奶奶就同肚B同房（因為佢有時會半夜擒出黎，我唔想工人姐姐同肚B同床瞓），遲啲工人姐姐間房會裝修同放張上下格子母床，到時就畀肚B同工人姐姐同房。其實我好唔捨得架，一黎肚B臨瞓好多野講可以知道個傻妹講咩，二黎又覺得佢已經有自己感受，想可以陪到佢…不過工人姐姐房又未必放到BB床，真係煩惱，唯有見步行步啦！
