細妹響19號出世啦！依篇野係響醫院度得閒寫定先，尋日出院雖然夜晚只係加埋瞓左3個鐘，不過又覺得精神，所就出埋post啦 ^^"
第一日（3/18）
早一日朝早入院，去左產前病房C2做基本檢查、剃毛毛，等見醫生同麻醉科醫生。產前病房有幾間8人房、1間4人房，2間2人房，我就被編響一間冇電視嘅2人房，本身唸住可以休息好啲，不過我間房對面係檢查房，基本上成晚都有人入院就企正響出面講野，好彩有帶定耳塞咋！
因為老公係公務員，所以我入院就話想排二等房，不過職員話要響病房排，去到病房同幫我做基本檢查個姑娘講，就叫我一陣再同姑娘講，跟住啲姑娘又話一陣有姑娘入房檢查再講，到姑娘入房又叫我同邊個講…激鬼死，最終再問番同我做基本檢查個姑娘先話幫我排左。另外，因為之前產檢登記左丈夫陪產（政府醫院開刀都有得陪產，不過要醫生評估過先，產檢時記得問姑娘），所以我都問姑娘陪產安排同埋第幾個開刀，又係問親都冇人答到我，結果係問個醫生知19號朝早有幾多個開刀，再聽到另外2個媽咪排第幾，先知自己應該排第1個 =_=
最終到下晝5點幾先有人講解陪產安排，丈夫黎C2門口等，產婦就會瞓住床推出去，丈夫之後會去B4換衫，會有個locker仔放野，而手術室就響D4，等產婦做晒麻醉set好野，就會叫丈夫入手術室。
依日真係幾悶，好唔容易先捱過一日咋！
本來唸住自己第1個開刀，等左好耐先有人推床話準備入手術室，但因為隔離床媽咪半夜開始陣痛，醫生見完就話要讓依位媽媽先，再問落先知原來我變左第2個，因為隔離床緊急開刀最終變左第3個…我真係等到由緊張變到唔識緊張。
最終叫我入手術室，入到去set野終於緊張，好彩都試過開刀大概知個程序，但今次打麻醉針，到開刀時feel到啲腳指仲郁到（上胎法國生係冇晒知覺），好驚係咪啲麻醉藥未得，因為尋晚同隔離床媽咪傾開，佢真係有朋友響政府醫院開刀，落刀果下仲覺得痛先即刻補麻醉藥 @@
好彩啲麻醉藥生效，我覺得有一塊唔屬於自己嘅豬皮，畀人拉拉扯扯一輪就聽到細妹喊聲啦，果刻又係感動都喊左出黎！姑娘同細妹清洗完後，問我地有冇帶相機或者手機，不過冇幫我地影全家幅，只係叫老公出去等時影左相...
完成手術後，我被推到休息室觀察，依個時候開始可以攬住細妹，有肌膚接觸，亦都可以開始試埋身餵。其實咁快可以攬住細妹真係好開心，政府醫院鼓勵產後盡快肌膚接觸最少6個鐘，所以我去到E2產後病房，都一直可以攬住細妹 ^^
相比起私家醫院開完刀冇咩唔舒服，但響政府醫院開刀，啲麻醉藥副作用令我好頭暈同埋嘔左6次墨綠色液體，最辛苦係嘔果時chok下chok下，整到個傷口好痛。不過都算好彩，我等到下晝5點幾，姑娘話我排到上A11二等私家房啦！果度靜好多又靚啲，我仲被編左一間2人房添。可能因為開刀未落得床，夜晚姑娘仲推走BB照顧，到喊先推過黎畀我埋身餵添架！
同事仲送左個花籃同公仔畀我添 ^^
第3日（3/20）
由於開刀第二日，今朝要拔喉同尿喉，準備晏啲試落床。唔知點解，拔完尿喉之後屙尿個位係咁扯住痛，好似子宮收縮時都會連帶果度都痛，仲痛過個傷口。同姑娘講就話子宮收縮影響到，但上胎響法國開刀我又冇依種反應。結果痛左好耐，我又差唔多急，就請姑娘拎便盆畀我試響床上屙一次小便先，屙完就發覺果種痛冇左啦。
由於開刀第二日，今朝要拔喉同尿喉，準備晏啲試落床。唔知點解，拔完尿喉之後屙尿個位係咁扯住痛，好似子宮收縮時都會連帶果度都痛，仲痛過個傷口。同姑娘講就話子宮收縮影響到，但上胎響法國開刀我又冇依種反應。結果痛左好耐，我又差唔多急，就請姑娘拎便盆畀我試響床上屙一次小便先，屙完就發覺果種痛冇左啦。
之後姑娘幫我清洗換衫，就陪我試坐先。一開始坐響度時有啲頭暈，坐左一陣好啲就試落床，落床同行果下我發覺比起上次開刀冇咁痛喎！之前好多人都話政府開刀痛過私家，原來都唔係架 ^^
響政府醫院，所有BB都係放響媽咪隔離方便照顧，所以可以落床之後，就由我自己照顧番細妹，不過都淨係換片同餵奶。BB出世頭幾日啲胎糞係黑色嘅，上一胎冇見識過，今日換片就見識到啦，黑色杰杰地咁，初生BB又多摺位，原來要抹乾淨都唔容易架。
講到餵奶，今日餵極細妹都要啜，唔啜放落床又再喊，結果有啲時間係要連餵2、3個鐘先放落床靜一陣。到夜晚12點幾，姑娘見我都餵左咁耐，佢試下拉細妹個嘴出黎又冇追住要啜，話其實BB啜咁耐都攰，主動幫我推走細妹湊到下次餵奶，咁我先可以瞓到2、3個鐘咋。
QE有每日餵食紀錄，定時或求救時有姑娘幫手，依個係今日個戰績
第4日（3/21）
今朝見醫生時，因為覺得自己傷口復原得OK，所以問幾時出院，點知醫生話細妹輕左，要睇多日情況先，果下有啲失落，因為真係好想返屋企。
今朝見醫生時，因為覺得自己傷口復原得OK，所以問幾時出院，點知醫生話細妹輕左，要睇多日情況先，果下有啲失落，因為真係好想返屋企。
可能因為生完已經好快有肌膚接觸，所以今胎生完第3日就上奶。本來日頭feel到脹左已經除左埋身餵都有擠出黎，不過由於奶量少，姑娘都係畀支針筒黎吸引，擠左好耐都係得1ml咋，同埋唔知點解今胎啲初乳咁稀咁淺色，上一胎啲初乳係黃色架！
但係，今日好似餵極個胸反而越黎越實，到夜晚知道再係咁又要變石頭胸，真係好驚。問姑娘點做，佢叫我按鬆個乳暈先埋身餵，如果唔係BB啜唔到盞嘥時間，仲話如果BB再輕，醫生聽日都唔畀出院。我真係唔想再留響度禁室培奶，唯有密密擠奶，但一邊擠鬆左少少，擠緊另一邊時原先果邊又開始實番，果下真係覺得崩潰，結果請姑娘幫手照顧細妹同叫佢補餐奶粉，我就去瞓下先。
第5日（3/22）
因為隔離床BB喊醒，加上自己都開始胸痛，瞓左個幾鐘就醒左，所以零晨4點就起身擠奶。今次我用2隻手一齊大力推，推到個胸都有啲瘀，兩邊加埋都擠到25ml奶。擠到天光，姑娘入黎同我探熱時見到我到我個奶量都OK，就話見完醫生教我用泵。
因為隔離床BB喊醒，加上自己都開始胸痛，瞓左個幾鐘就醒左，所以零晨4點就起身擠奶。今次我用2隻手一齊大力推，推到個胸都有啲瘀，兩邊加埋都擠到25ml奶。擠到天光，姑娘入黎同我探熱時見到我到我個奶量都OK，就話見完醫生教我用泵。
終於等到見醫生，佢幫我檢查傷口同子宮收縮情況話都OK，我問醫生可否出院，佢聽完姑娘講番細妹體重情況，雖然仲有輕不過輕少左，所以同意我地出院（後尾聽醫生同隔離床講，如果BB輕過出世時體重嘅10%，冇得出院仲要見兒科醫生）。後尾姑娘話等齊文件嘅話，應該中午有，之後就可以出院啦！
我即刻通知老公，跟住已經急不及待執野，見細妹仲未醒，就唸住試下用醫院級嘅奶泵啦。其實第一胎我係用手擠先開始有奶柱，所以本身今胎都唸住擠到OK先泵，不過反正響度就試下，好快都泵左20ml出黎，但始終我個胸實晒，泵到乳暈都腫埋硬埋，所以我就停啦。
後尾老公接我出院，返屋企前特登叫老公抱住細妹，又代細妹送番禮物畀肚B，見佢都唔係好抗拒。不過到夜晚我響房餵奶，肚B想入房但畀老公一野抱走，跟住佢就係咁喊，我聽見真係好心痛！
後記：其實我覺得肚B都鐘意細妹，我會畀佢入房探細妹同埋陪下我，但一有人唔畀佢入房佢就會喪喊。好似今朝肚B起身想入黎，奶奶又抱走佢，佢就勁喊啦。我即刻起身攬實佢，佢情緒先好番啲，到肚B想入房奶奶驚佢嘈到細妹想阻止佢又喊，所以都同奶奶講肚B想入黎就算我瞓緊覺都唔好抱走佢呢！睇完細妹，我同肚B入廁所刷牙，跟住如常咁刷牙換衫返學，肚B都冇事，希望肚B可以適應到啦！
