(講座內容) 說故事的重要性：
- 加強兒童之理解能力
- 明白因果關係概念
- 加強解難能力
- 理解老師課堂的講解
- 明白朋輩間的說話，加強社交及人際關係 - 提升兒童語句組織的能力
- 句子 → 描述事件／過程 → 日常經歷
- 為升讀小學後要「作文」打好基礎 - 促進與朋輩的社交關係
- 運用語言與朋輩分享個人經歷、電視劇集、興趣等
其實肚B講野一路有進步，好似上年同佢上導師訓練仲要教佢連接詞（例：A「同埋」B），宜家佢已經識得響日常溝通中學到少部份詞彙去講番出黎（例：「不如」我地咁咁），不過有時佢仲會講錯或者唔識講（例：有次去搭lift講「所以」要襟lift）。
我知道有時太抽象好難講得明，所以最近都開始借圖書同肚B講故事，希望佢visualize到可以容易啲明白，而且響過程中可以教到佢更多詞彙。不過肚B仲未理解到較複雜或者要推理聯想嘅內容，所以我暫時都只會揀啲好簡單嘅圖書畀佢。
講座裡面都有講要因應小朋友年紀同埋理解能力去幫佢揀適合嘅圖書，而且除左家長陪小朋友睇故事，小朋友自己講番故事出黎嘅能力都好重要，因為可以幫助佢地敍事同表達能力。以下內容係講番小朋友咩年紀應該講到包含乜野元素嘅故事。
(講座內容) 故事元素
- 背景資料（如：時間、地點、人物）
- 引發事件
- 反應
- 計劃
- 嘗試
- 結果
- 感受
(講座內容) 兒童說教事的發展
3歲半至4歲半：
- 初部故事發展
- 包含程序關係
- 包含以下故事元素：
引發事件、嘗試、結果
4歲半至5歲：
- 連貫故事發展
- 包含程序及因果關係
- 包含以下故事元：
背景、引發事件、計劃、嘗試、結果
5歲至7歲：
- 完整故事發展
- 包含所有故事元素
- 多於一個情節
(講座內容) 為兒童選擇合適的故事書
- 2至3歲：命名及描述事件／沒有中心主題（例：《我自己會讀》系列「信」同埋「我的氣球呢」）
- 3歲至3歲半：圍繞某一中心主題／人物作出描述，事件之間並不存在程序／因果關係（例：《我自己會讀》系列「風跟我玩」）
- 3歲半至4歲半：初部故事發展、包含程序關係
- 4歲半至5歲：連貫故事發展，包含程序及因果關係
- 5歲至7歲：完整故事發展，包含所有故事元素及多於一個情節
睇完介紹，我唸肚B自己講故事能力有3歲半至4歲半個程度，如果畀啲程序圖咭畀佢睇就識講（例：洗手程序圖咭），但如果就咁睇圖書，佢就講唔到程序或者因果關係。
聽完講座有一本《童說同樂：言語治療加油站》書仔，裡面有好多有用資料，仲有好多生活化嘅言語訓練小遊戲同埋FAQ內容（例如：小朋友唔鐘意刷牙，可能係口腔敏感度過強，會對講野。
如果大家有興趣拎依本書仔，可以去「聖雅各福群會 ─ 樂寧兒童發展中心」Facebook專頁Like & Share「樂寧分享好書大行動」依個post，就可以免費換領一本（活動去到2016年8月31日）。
聖雅各福群會 ─ 樂寧兒童發展中心網址： 中環 | 灣仔
