前排幫朋友同自己買左三支K068咪，本來睇評語係OK，點知其中兩支有問題，我朋友果支直頭開唔到。問番間舖，推三推四之後先話可以換貨，不過我對依間舖已經冇信心，所以叫佢畀我退貨退款。
平時就算淘寶揀順豐直送到香港都係RMB30，我上網search順豐香港寄番大陸都係幾十蚊，好過蝕所以唸住照退貨啦...點知去到順豐問，佢話K068咪屬於電器個運費起碼要港幣180，又話唔可以寄電池返大陸所以要拆電池（如果內置電池都要冇電先得）！
個退貨運費都差唔多等於兩支咪價錢，咁即係唔洗唸啦...本來唸住要蝕錢，不過咁啱我要清假，之前又同老公約好返大陸揼骨，所以就決定返大陸退貨！
老公問左同事，出左羅湖口岸個地鐵站上一層羅湖商業城有好多物流公司，不過我地去到都搵左一陣兼問人先搵到。原來填資料時一定要填中文全名，又要寫電話號碼（煩...），好彩退貨價錢好平，兩支咪要RMB10，另外我幫朋友退個手機殼就要RMB9。
我之前申請左「退貨退款」，寄完件有運單編號所以入番資料，點知入完資料淘寶就即刻退款畀我，唔洗我等賣家收到貨再同意先退款，真係估唔到淘寶有依個服務呢！
