首先就係肚B兩姐妹嘅玩具箱！之前我用過尼龍布嘅收納籃，到肚B妹出世啲玩具唔夠放就用個長方形嘅收納箱，不過太多玩具好難摷，所以再換搵左依款揭蓋式嘅收納箱放響電視櫃隔離個空間。
揭蓋式收納箱 @ RMB29 (連結)
雖然佢內籠唔算好大，但勝在夠細可以攝響依個位，而且顏色又靚。佢有大、細size兩款，大size上面可以疊兩個細size收納箱不過我位置有限只買了3個細size收納箱疊高黎用。我將玩具分類同埋揀一啲兩姐妹都啱玩同埋有意思嘅玩具（如積木同埋煮飯仔role play），多餘就唔要或者收起佢，宜家佢地要搵玩具都易好多 ^^
跟住就係依款吸盤鞋架！唔知點解屋企有兩個鞋櫃都唔夠放，有啲常著嘅鞋仲放響廚房對出位置。我頂唔順，淘左依啲鞋架吸響洗衣機面，啲鞋唔洗再放到一地都係。其實本身冇唸住提，不過有次有朋友黎話屋企細冇位放鞋櫃，對依個鞋架有興趣，所以我唸總有人有需要啦？
吸盤鞋架 @ RMB3.5 (連結)
我地屋企冇露台晾衫，所以奶奶每逢落雨就會響肚B間房開抽濕機晾衫。其實我唔介意，但奶奶綁左啲繩黎晾衫搞到成個蜘蛛網陣，連衣櫃度門都唔可以打開，所以我淘左個摺疊晾衫架。不過晾衫架得69x32cm應該唔夠位晾衫，所以我留番最邊兩條繩，起碼我開到衣櫃門先！
摺疊式晾衫架 @ RMB38 (連結)
每次落雨天，肚B間房就會變成咁
我欣賞依個摺疊晾衫架掛邊都得，側邊有刻度去校個鈎嘅位置（我自己mark低掛床同埋掛窗個刻度 ^^"）
好似咁樣掛響窗邊，有時奶奶襯有太陽曬下啲乾貨都得。依啲摺疊式晾衫架，淘寶見有三款，有另一款都係不銹鋼又有80cm長，但睇評語佢個焊接位只有面果邊（底果邊冇焊接，咁都得？），所以我最終揀依款。
最後就係依個吸盤地拖掛鈎啦。之前奶奶係用繩綁起個鈎仔去掛個地拖，要拎同放都好唔方便，咁啱又畀我見到依啲地拖掛鈎。佢話牌子係韓國Dehub，我搵香港又唔覺有，雖然唔算平但quality真係唔錯呢～佢仲有好多款浴室或廚房用嘅吸盤掛鈎，啱晒唔想鑽牆又想添置掛鈎嘅人。
吸盤掛鈎 @ RMB 18 (連結)
吸盤掛鈎 @ RMB 18 (連結)
