之前聽朋友講餵母乳會好辛苦，但只要下定決心就做到，所以生之前就搜集定好多資料，響醫院果幾日又勁按摩（見圖）同試泵奶唸住等自己快啲上奶，但係到真係同肚B埋身肉博時又發現真係比想像中困難！
肚B出院果日佢一喊我就埋身餵，起初佢都啜到45分鐘同埋之後可以瞓到2、3個鐘，有時晏晝仲可以瞓到4個幾鐘先喊醒。不過，唔知係咪因為當日個胸谷奶谷到變石頭胸（開刀第4日），到夜晚個胸直頭硬到唔掂都痛，啲人話BB啜係最快解決問題，所以我都堅持埋身餵肚B。但係夜晚開始佢啜得10-15分鐘就瞓著，放落床又喊番，試左幾次都係咁，結果到零晨4點幾嘈醒埋奶奶，佢入到黎見到肚B係咁喊就不停重覆「唔夠飽囉」（起碼講左6、7次）…其實出院前果晚已經瞓得唔好，出院果日直頭都冇瞓過，結果畀奶奶嚴重打擊下喊左出黎，補左第一餐奶粉而肚B食完又真係乖乖瞓覺。
到第二日我都仍然埋身餵，間中就泵出黎但出奶只係一滴滴好慢咁出。醒起之前睇短片教BB啜果時應該個口要好大同埋反唇，但肚B好似只係啜個乳頭，餵餵下自己突然間又喊，響度唸其實依2日我係咪根本餵唔到肚B，餓左佢2日呢？唔開心左一陣，同老公商量之後決定一餐奶粉一餐母乳咁餵肚B。好多母乳支持者會覺得要堅持唔好補奶粉，因為補左奶粉個惡性循環就係BB啜少左，啲奶量就會少左，結果整整下就會餵奶粉。不過我果刻覺得要響餵母乳同休息之間取個平衡，因為有足夠休息先會多奶，所以就算我補奶粉我仍然keep住2、3個鐘泵一次奶去刺激身體造奶，我相信只要努力的話仍然可以追番個奶量，我仲叫老公幫我買啲配件去改裝個奶泵做雙泵。
雖然冇再石頭胸，但係泵泵下又發現個胸甚至乳暈好多硬塊，上網睇係因為乳腺塞左所以出奶出得慢，所以我每日飲勁多水同埋每次泵奶之前都熱敷同按摩先，試左幾日都唔大改善。加上肚B去健康院檢查，發現肚B收水之後仲輕左少少，我更加覺得自己係餓親肚B，要先通左乳腺先再唸埋身餵佢。後尾睇討論區有人話用手擠順便按摩有效，我試用手擠又真係好啲，第二次用手擠奶甚至係第一次見到有少少「噴泉」效果同埋間中有條極幼奶柱噴出，真係超感動！
到宜家我都keep住2-3個鐘擠一次奶，半夜都教鬧鐘起身擠奶，不過由於擠到個胸又紅又痛又皺皮，甚至連手指都赤痛，所以間中都會用電泵泵奶（但出奶好似少啲同埋冇咁清）。結果我奶量由初期兩邊加埋得20ml，宜家最多可以去到70ml。由初期母乳同奶粉間住食，到過左一星期可以間中連餵2餐母乳，到宜家BB大約兩星期大可以係日頭飲母乳，夜晚果兩餐先食奶粉，總算有少少成績啦！我會繼續努力，有機會仍然會埋身餵肚B，希望好快可以餵到全母乳啦！
雖然餵母乳真係幾辛苦又冇覺好瞓，不過都有得著架，就係因為刺激子宮收縮，我個肚腩仔已經收到7788啦（當然仲有同埋係皺晒皮啦）～
到第二日我都仍然埋身餵，間中就泵出黎但出奶只係一滴滴好慢咁出。醒起之前睇短片教BB啜果時應該個口要好大同埋反唇，但肚B好似只係啜個乳頭，餵餵下自己突然間又喊，響度唸其實依2日我係咪根本餵唔到肚B，餓左佢2日呢？唔開心左一陣，同老公商量之後決定一餐奶粉一餐母乳咁餵肚B。好多母乳支持者會覺得要堅持唔好補奶粉，因為補左奶粉個惡性循環就係BB啜少左，啲奶量就會少左，結果整整下就會餵奶粉。不過我果刻覺得要響餵母乳同休息之間取個平衡，因為有足夠休息先會多奶，所以就算我補奶粉我仍然keep住2、3個鐘泵一次奶去刺激身體造奶，我相信只要努力的話仍然可以追番個奶量，我仲叫老公幫我買啲配件去改裝個奶泵做雙泵。
雖然冇再石頭胸，但係泵泵下又發現個胸甚至乳暈好多硬塊，上網睇係因為乳腺塞左所以出奶出得慢，所以我每日飲勁多水同埋每次泵奶之前都熱敷同按摩先，試左幾日都唔大改善。加上肚B去健康院檢查，發現肚B收水之後仲輕左少少，我更加覺得自己係餓親肚B，要先通左乳腺先再唸埋身餵佢。後尾睇討論區有人話用手擠順便按摩有效，我試用手擠又真係好啲，第二次用手擠奶甚至係第一次見到有少少「噴泉」效果同埋間中有條極幼奶柱噴出，真係超感動！
到宜家我都keep住2-3個鐘擠一次奶，半夜都教鬧鐘起身擠奶，不過由於擠到個胸又紅又痛又皺皮，甚至連手指都赤痛，所以間中都會用電泵泵奶（但出奶好似少啲同埋冇咁清）。結果我奶量由初期兩邊加埋得20ml，宜家最多可以去到70ml。由初期母乳同奶粉間住食，到過左一星期可以間中連餵2餐母乳，到宜家BB大約兩星期大可以係日頭飲母乳，夜晚果兩餐先食奶粉，總算有少少成績啦！我會繼續努力，有機會仍然會埋身餵肚B，希望好快可以餵到全母乳啦！
雖然餵母乳真係幾辛苦又冇覺好瞓，不過都有得著架，就係因為刺激子宮收縮，我個肚腩仔已經收到7788啦（當然仲有同埋係皺晒皮啦）～
