全泵媽：一日泵5次（苦盡甘來）

我響返工前一日改為一日泵5次每次兩邊加埋泵30分鐘，返左一個星期工（泵奶schedule：02:30、06:40、11:30、16:30、21:30）而返工果2次會泵25分鐘，每日個奶量都keep到大約34-38安奶，真係好開心，有啲苦盡甘來嘅感覺！

回想番頭一個月真係好辛苦！為左要追奶量一日泵8-11次泵到乳頭都痛，坐月嘅生活就只係泵奶、食野同瞓覺。有時肚B喊食，奶奶／老公餵肚B，我就lee響房餵泵，試過咁又喊出黎。

泵左1個月終於追到肚B食量可以做到全人奶，跟住開始一日泵8次，然後慢慢拉長每次泵奶之間嘅時間，到返工之前做到一日泵5次，可以多番時間去湊肚B。

初時見到依個網站（http://kidslead.com/330/pumping）講泵奶方法，話頭4-6個星期要一日泵8-12次，到個奶量穩定左就可以減次數，我有啲半信半疑，但原來真係work架！不過好多人話全泵媽會慢慢少奶，所以我宜家雖然每日個奶量有多，但都唔敢偷懶唔泵半夜果轉，我寧願捱到肚B半歲先考慮再調節泵奶schedule。

可能因為隔4-5個鐘先泵奶，所以個胸會谷左，而每次泵奶都有6-8安，試過幾次可能因為啲湯水而泵爆8安樽添～