- 一日泵3次：過左頭兩日谷到痛嘅適應期，開始每次泵奶要泵耐啲時間又勁引奶陣，但每日奶量都跌20ml，跌到37安開始慌。雖然仍然有多，但始終細妹未食到1餐固體，而我又想每日畀1餐奶肚B，所以過左一星期改番泵4次。
- 一日泵4次：頭兩日個奶量同泵3次差唔多，好後悔自己太心急減泵（睇番舊post，肚B到11月食到兩餐固體先改泵3次），好彩經過一星期努力個奶量追番同之前差唔多，而且泵奶時間又短番。
- 一日泵番3次：到細妹食到1餐固體又改減3次，要適應多次減泵嘅痛，過左一段時間，宜家每日泵奶有34-37安。
再一次證明，只要勤力泵密啲仲可以追奶！
宜家我個泵奶schedule係06:30、14:00-14:30、22:00-22:30，定時泵奶，風雨不改。好慶幸今胎可以咁早就改泵3次，減泵之後奶量仍然有多，而且仲未黎M（上胎改泵3次之後無耐就黎M，我唸同奶量有關？！）。宜家除左細妹一日4餐奶，我仲可以每朝畀到1餐奶肚B。
每次要準備兩個樽泵奶
不過講真，其實有時都覺得好攰，尤其病左都要定時起身泵奶（我睇醫生話餵緊母乳，醫生會開啲餵母乳都啱食嘅藥，所以我照畀細妹飲）。間中星期五晚同老公出去拍下拖食飯或睇戲，未返到屋企個胸已經有啲隱隱作痛，仲會谷到胸都變形同現晒青筋，返到屋企第一時間就要泵奶。同肚B出街如果遇上泵奶時間，仲要響廁所泵奶。咁啱遇著blog友活動同肚B學校旅行都去假日農莊，因為知道啲廁所好污穢而冇得去，老公話我餵母乳就預左要取捨... >_<
雖然係咁，我仍然會堅持落去架！可能係心理作用啦，肚B食番母乳依幾個月講野有明顯進步，以往有啲說話要教佢點講，宜家聽我地講完自己識運用番出黎。當然，亦都因為我相信母乳係最天然同適合BB，所以要送依份禮物畀細妹。
全泵媽母乳路上雖然有啲攰，但係並唔孤獨架，因為我知道有好多母乳媽媽都一齊堅持同努力緊 ^_^
雖然係咁，我仍然會堅持落去架！可能係心理作用啦，肚B食番母乳依幾個月講野有明顯進步，以往有啲說話要教佢點講，宜家聽我地講完自己識運用番出黎。當然，亦都因為我相信母乳係最天然同適合BB，所以要送依份禮物畀細妹。
全泵媽母乳路上雖然有啲攰，但係並唔孤獨架，因為我知道有好多母乳媽媽都一齊堅持同努力緊 ^_^
