首先要介紹依個梳化套，用黎遮醜一流，連老公都讚好架！話說屋企張梳化只有坐位係真皮，所以連續兩張梳化用左一年多啲，仿皮個位就開始爛，要換過張又覺得嘥。睇番淘寶啲梳化套，我覺得依款最正，塊布有彈性可以包住成個梳化，另外有啲發泡膠條去攝響住梳化邊位～
梳化套 @ CNY160（連結）
肚B戒片之後，我最怕就係同肚B去好污穢嘅廁所，因為每次都要蹲響馬桶前面抹乾淨先畀肚B坐！如果個馬桶乾淨啲，我會抹乾淨再舖啲抹手紙響坐廁位，如果個馬桶太污穢，我就會用馬桶墊。淘寶試過兩款，一款係就咁舖響面但有時肚B坐上去就會走位，另一款係成個膠套咁包住塊廁版，我淘依款係前面仲有5cm長度可以遮住馬桶前面，我覺得都幾好用呀！
廁板墊 @ 大約CNY0.5一塊（連結）
依款手機殼我都淘毒左唔少同事，因為佢啲浮雕真係好靚呀！前排佢仲出左卡通玻璃貼，不過我search過依間唔係最平，但淘開殼就順便淘埋玻璃貼。大家有興趣可以響淘寶search「卡通鋼化膜」
iPhone浮雕手機殼，卡通玻璃貼（連結）
我join左Facebook有個「香港淘寶自組團購」，間中會響個group睇下有咩正野，依款隱形襪就係見谷友介紹而淘，隻襪有膠邊圍住所以唔會著到甩（不過有時著著下都會見到有條襪邊）。我本身著開7號鞋，買佢均碼洗過一次覺得有少少縮水，所以好快著穿左兩隻襪，之後試佢大碼就冇再著穿啦，畀大家參考。
隱形襪 @ CNY9.8（連結）
