好開心可以試用《Brother》標籤機，仲要係Hello Kitty款添，好可愛呀 ^_^
記得我細個都有部Dymo機，可以響膠帶打英文同數字嘅標籤機，果個年代可以隨時打Label黎貼野，覺得好開心架！宜家科技真係發達，以前Dymo機打錯字就會嘥左啲膠帶，而《Brother》標籤機就可以入完字預覽埋先打印出黎。
《Brother》Hello Kitty標籤機跟機附送Hello Kitty標籤帶同埋6粒3A電池
開機試用，見到有個「倉(1)」，原來依個係中文輸入法個提示，按【倉/簡/廣】可切換輸入法（倉頡、速成同廣東輸入法），按【A/a】就切換英文輸入法同埋大細草，至於佢個「1」字係講緊行數，如果按【下一行】入第二行字就會顯示「2」。
我用開倉頡，中文輸入對我冇難度 XD
按【設定】可以揀標籤帶長度（我揀「自動」）、前後空間（我揀「空間小」，試過揀「省帶」差別唔大。《Brother》Hello Kitty標籤機係用電腦式排列鍵盤，所以操作好容易上手。
入字嘅同時佢會預計埋條標籤帶個長度添
《Brother》Hello Kitty標籤機跟機附送Hello Kitty標籤帶同埋6粒3A電池
我用開倉頡，中文輸入對我冇難度 XD
按【設定】可以揀標籤帶長度（我揀「自動」）、前後空間（我揀「空間小」，試過揀「省帶」差別唔大。《Brother》Hello Kitty標籤機係用電腦式排列鍵盤，所以操作好容易上手。
入字嘅同時佢會預計埋條標籤帶個長度添
試下印啲標籤出黎，無論印一行定兩行，啲字都好清楚
除左Hello Kitty仲有好多款外框
連啲公仔都好得意，估唔到有咁多款（我冇影晒出黎）
佢仲可以儲存之後再用番，共有9個儲存空間
見《Brother》網站介紹，標籤帶係專利設計可以對抗UV、磨損、水、熱及冷溫。其實之前肚B返學要用嘅姓名貼我只係淘寶返黎，講真又平又靚架，不過貼響水壺幾日個角已經曲起左。所以我都用《Brother》標籤機印左張貼響水壺測試下，用左個幾星期暫時效果都唔錯。
Mybb另外有一盒標籤帶畀我，起初我以為只係spare，睇番《Brother》網站個型號（TZeFAE3，12mm粉紅布藍字 ）先知係布質標籤帶，可以熨響衣物上面，真係估唔到呀！
《Brother》標籤機可以隨時換標籤帶，所以我換左布質標籤帶黎試下，原來一啲都唔似布架。至於款式，我反而覺得靚過Hello Kitty標籤帶 ^^"
其實之前都有淘過肚B姓名熨貼，如果件衣物唔係經常洗都OK，好似校服同襪依啲經常洗就好快甩到咁
所以我都換左依款布質標籤帶，效果好貼服，不過記得好似說明書咁用塊布舖面去熨，如果唔係啲字會有少少甩色架～
所以我都換左依款布質標籤帶，效果好貼服，不過記得好似說明書咁用塊布舖面去熨，如果唔係啲字會有少少甩色架～
