淘：滑板車

我知宜家興玩「平衡車」，買滑板車係因為有次去朋友屋企，肚B玩滑板車玩得好開心，雖然想跌想跌但肚B不斷嘗試，難得老公又唔反對（佢最怕屋企冇位放），所以就決定買。

我朋友果部響深水埗買，好似港幣300幾，我都去玩具反斗城睇過，由幾百至千幾都有，所以又去淘寶搵下。睇左好多間同埋好多評語，最終揀左依部，因為價錢OK而且可以摺埋，方便收響細妹張BB床下面呢！

大款摺疊滑板車 @ 人民幣118.58，連包裝重4KG，計埋集運費兌番港幣大約175 (x 1.2)。

肚B宜家大約高98cm，滑板車扶手校最低啱啱好～

睇下details位先，個包裝盒似模似樣（但同內容不符 XD）

有3個洞可以調校位置（我同事淘另一間得2個洞，佢話我依款比較好），不過校最低時冇對準個洞會鎖唔實

唯一唔好係校到最低鎖唔實個把手，有時拎起架滑板車個把手都會升起


摺疊位置有個鎖向上拉就可以摺埋或者打番開