不過聽完講座後，我發覺除左講解「初生嬰兒護理知多少」果位張傑醫生風趣啲，同埋禮物豐富啲之外，其他內容同埋安排都麻麻地！
好似個司儀講野口窒窒，雅培賣廣告個人又係咁，係張醫生講野搞笑啲，同埋好詳細由BB頭至腳一啲較常見問題逐一講解。之後有位教授講解「如何培養精靈Baby」，個教授講得好大聲但內容有啲空泛，真係有啲悶。
聽埋之後就分批去個「互動湊B區」，其實一半係賣廣告區，換片同埋著衫示範根本多人都望唔到，人太多但啲指示又唔清楚！講真去得有一半都係懷孕媽媽，我覺得依個安排太混亂啦，所以拎埋禮物3點鐘就走人。總括黎講，雅培講座主要係拎禮物，如果要學野，我覺得Friso同埋Baby Planner個產前講座實用性高啲。
下面係填寫雅培問卷同埋Hubbies表格可以有嘅禮物（Disney果袋野裡面仲有對Mides手套仔），真係好吸引，Hubbies仲送左2張NB尿片（35片裝）買1送1優惠券添！本來我想買Pampers尿片，宜家搞到有少少轉軚添…
另外，填埋Mides同埋bbcare嘅表格可以拎埋口水肩同埋濕紙巾（派晒濕紙巾就送食物交剪）
