最近吉之島搞BB展，$298有4支奶樽，除番開$74.5一個，有JCard仲有95折，不過開張JCard原來要$50年費，如果申請Aeon信用卡又要等，所以老公就買定一pack 4個奶樽先。後尾發現吉之島有counter申請Aeon Jusco信用卡可以免年費，即時申請會送兩張$30 coupon（折實$300可以用一張coupon），頭2個月簽滿$5000仲有多$400 coupon，如果申請銀聯卡仲即時出卡添！我就揀左Visa卡，Aeon都出左張有$1000信用額嘅臨時卡畀我，襯依幾日吉之島感謝日，買野可以95折再95折。
結果我同老公去買多set $298 Chu Chu奶樽（因為奶奶話要6-8個先夠用，如果唔係要成日洗同消毒奶樽），另外配多支Chu Chu海棉奶刷，總數$341用張臨時卡95折再95折就$308，再用埋張$30 coupon就$278有4個奶樽同1支奶刷，真係抵好多呀！
吉之島個sales仲話，如果餵母乳的話要換另一隻餵母乳嘅奶嘴（都要$5x一個架！），因此本身BB埋身飲母乳要用好用力先啜到，依款奶樽個嘴較易啜，BB啜過就會唔想埋身啜喎。不過我要等張Aeon Jusco信用卡正式批左再簽卡先計落果$5000簽賬額度，所以唔洗急住買，同埋我都要上網睇下係咪真先至買。
睇過啲評語，話餵母乳依隻母乳實感奶嘴真係難啜啲，如果上面依款窄樽就用粉紅色盒果款，軟過矽膠奶嘴同埋適用初生BB用。不過聽人講，BB有機會揀奶嘴黎啜，可能到時買定2個餵母乳嘅奶嘴畀BB用住先。
Chu Chu 母乳實感闊口矽膠十字奶咀（闊樽）
- 奶咀的闊身設計及柔軟度，給寶寶如接觸媽媽乳房的親切感
- 適合任何月齡寶寶，無需分大、中、細碼
- 根據寶寶吸力，自然調節奶流量
- 不吸吮時不會出奶，不會嗆到寶寶
- 奶瓶傾側亦不會漏奶
Chu Chu 自動調節流量矽膠母乳育兒奶咀（窄樽）
- 令寶寶吃奶感覺及口肌運用尤如深入吸吮母親乳房一樣
- 寶寶更易適應交替母乳及奶瓶餵哺
- 寶寶口肌如吃母乳般自然發展
- 根據寶寶吸力，自然調節奶流量
- 不吸吮時不會出奶，不會嗆到寶寶
- 奶瓶傾側亦不會漏奶
