今日約左11:40做第二次產檢，早左10分鐘去，等左一陣就去量血壓同驗小便，再等到12:50左右終於叫到我名入房見醫生。
今次見個醫生同護士睇落資歷深啲兼年長啲，所以講野都吋少少。廣華個產檢預約紙又話有咩報告可以拎埋去，我帶左照結構報告唸住問醫生要唔要copy，點知醫生話出面照左冇問題就得，佢地唔會睇喎…
跟住叫我上床做檢查，個姑娘其實係善意咁提醒我應該拉低條褲先上床，同埋起身應該打側身黎起身，如果唔係會腰痛，但說話個口吻係好cool，不過可能依啲先係真正政府醫生嘅態度啦。
聽完幾秒BB心跳，醫生過黎摸兩摸我個肚唔記得話OK定正常，跟住就返出去，醫生問BB有冇郁，就講番上次抽血個驗血報告一切正常，跟住已經好似想送客咁（咁快？咁廢？）。因為我唸住去私家生，藍醫生話法國醫院要有份產前驗血報告，所以唸住問廣華醫生拎份copy。
其實之前睇Baby Kingdom見有人問廣華醫生拎驗血報告，畀醫生吋話去私家生就唔好黎廣華做檢查之類，搞到好唔開心，加上一入房已經覺得佢地吋吋地，所以我問醫生有冇驗血報告copy時話係想自己留底，可以畀番私家醫生一個record。點知醫生同護士一齊吋吋地，冇正面答過我有冇得要copy，直接問我係咪私家生…我話私家醫生想keep record佢就點我申請個「電子病歷共享」，後尾又話依個係醫生申請，又叫我自己去申請份醫療報告，臨尾再追問我係咪去私家生，我唔明呀，唔畀就唔畀，點解要咁嘅態度呢！
因為我要趕返工，老公就幫我去問，去左廣華醫院繳費處出面有個詢問處拎左張表格，填左資料好似交幾十蚊可以申請番產前驗血報告，早知就唔問啲醫生，影響到我心情！
後記：老公第二日幫我去交表，唔洗兩星期就收到掛號信同埋份產前驗血報告，估唔到咁高效率。
肚B
細妹
