到尋晚零晨瞓瞓下突然右邊小腿抽筋痛醒左，「哎吔…吔」咁叫左出黎，嚇醒左老公，要佢幫我拉筋先至冇事。上網search，見到明報健康網有提過想減少懷孕期間抽筋問題， 有以下建議：
「為了減少抽筋問題，建議孕婦平時要多喝水、保持足夠休息和以暖水洗澡，促進血液循環。盡量不要長時間站立或坐下，避免因血液循環不好而引致腿部抽筋。若工作關係需要長期坐下，緊記不要把大腿擱在另一隻腳上，每隔一段時間要起身走動一下，做些簡單的腿部運動，鬆弛腿部肌肉，改善腿部的血液循環。而睡覺時盡量保持側臥，避免因胎兒壓着主要神經或血管而令血液循環欠佳。」
我除左返工時冇飲咁多水之外，其實都有足夠休息，返工長時間坐但我又冇繞腳坐，瞓覺又多數打側瞓，唔知點解都會無端端抽筋。問番同事，佢話宜家只係一個開始…睇黎要畀定心理準備老公要經常半夜起身幫我拉筋啦
