第一次泵爆樽

其實坐完月之後奶奶不時都煲好多湯水畀我增奶，但一直都覺得冇明顯效果。咁啱前排奶奶煲黑豆漿，咁我就試下買通草黎煲豆漿，好似效果唔錯喎。雖然未至於每次泵奶可以泵多幾安，但飲完開始多左泵到100ml以上，而且之後再飲一啲奶奶煲過嘅湯水，我竟然覺得谷奶（淨係右邊胸谷奶=.="）！
 
我除左生完冇耐變石頭胸之後谷過幾日奶之後，個胸長期都係「淋慈慈」，但依排谷奶真係出奶多左，我由每日泵8、9次變左泵7次就可以達標泵到接近30安奶，真係好開心>v<！尋晚飲完木瓜花生瘦肉湯同紅豆沙，半夜起身直頭兩邊胸都谷到實（同上次泵奶隔左4個幾鐘），首次泵到170ml奶泵爆樽，連朝早起身都泵到咁多，可以畀肚B飲餐鮮榨奶奶做早餐！
   

雖然，相比起富媽媽我依啲真係濕濕碎，但我追奶追左咁耐，見到個成績真係high到爆架，如果有朝一日可以連8安樽都泵爆咁就好啦！