等左大概5個幾月終於收到電話見言語治療師，咁橋同學校轉介嘅評估約埋同一日（見：香港康復學會：綜合評估），好彩一個上晝，一個下晝咋！打黎個職員叫我預兩個鐘，要帶出世紙正本，如果有學校成績表或評估都帶定去做參考。
我地係揀左中九龍嘅CAC，尋日預早15分鐘去到，響大堂有好多玩具畀小朋友玩住等，而側邊有兩排櫈畀家長坐。等左幾個字，就有人叫我地入去做評估。我地入到去一間房，我坐響肚B隔離，言語治療師蕭姑娘就坐響對面，而老公就坐埋一邊睇。首先蕭姑娘叫我同肚B玩一陣，warm up左之後蕭姑娘就叫我唔好參與，由佢黎同肚B玩。
評估過程由淺至深，我大概記得…
蕭姑娘話肚B理解能力較弱，雖然認知OK但對一啲抽象嘅野就唔明，而表達能力方面亦較弱，唔識點運用番啲詞彙出黎。所以肚B只可以跟到一啲死板嘅指示，或者係死記一啲字或者句子再講番出黎。另外，雖然肚B有眼神接觸但唔算經常望人，當蕭姑娘讚佢時冇乜表情，講野亦冇乜語氣較死板，但有時唔係好笑嘅位又會突然笑一下，好似假笑咁。
雖然係咁，蕭姑娘話肚B都有優點，就係記性都OK，好乖好聽話同埋好可愛（聽到依度我已經眼濕濕…蕭姑娘仲安慰我生完情緒係波動啲，肚B唔係真係咁差），雖然肚B不停咁想行開或者搞依樣果樣，但蕭姑娘叫佢坐好，雙手擺好，肚B都即刻做。
蕭姑娘話佢會寫紙轉介肚B去排言語治療，但期間可以多啲訓練肚B。肚B理解能力較弱，所以講野要盡量簡短，同埋因為肚B靠死記，所以要響佢角度去講出黎，就好似：
唯有靠多啲描述所見嘅事，等肚B背左個意思再運用出黎，慢慢建立佢個理解同表達能力，但由於肚B講出黎少語氣，所以蕭姑娘提我地要好自然咁講出黎，等肚B學埋。
- 同肚B玩間屋同人仔，叫肚B做一啲簡單指令（如：放某個人仔響櫈上面），之後又將幾個人仔圍住張枱一齊坐，叫肚B扮有野食用手拎黎食，佢有跟住做
- 拎左幾樣物件出黎問肚B係咩，跟住叫肚B做一啲簡單指令（如：放積木響盒裡面），佢都可以做到。跟住拎左唔同顏色、大小嘅熊仔，考顏色同埋大小，再叫肚B幫熊仔排隊，肚B都識
- 用圖卡去考肚B對五官嘅認知，再叫佢指自己同埋我嘅五官。另外有啲圖卡係餐具，除左問肚B係乜野，仲問啲餐具要黎做乜，肚B都答到
- 用另一啲圖卡考肚B認知，如：有個女仔飲緊水，肚B答「姐姐飲水」，但問佢邊個飲水都係答「姐姐飲水」，唔識答「姐姐」
- 拎左啲情景圖考肚B，好似一幅落緊雨嘅圖，有人擔緊遮，地下好濕，肚B淨係識答「落雨」
- 再拎另一啲物件考肚B，好似放一支最短嘅筆入盒裡面，放三粒白色鈕響杯裡面，肚B只理解到keyword「筆」同「鈕」但唔識跟足指示
- 用番啲人仔去考肚B記憶，如：依個係小明，依個係小芬，叫肚B將小明放響櫈上面，肚B記得邊個仲會講埋個名出黎，可以跟到指示
- 再用啲人仔去考肚B理解，好似用A人仔去打B人仔，邊個曳，肚B唔識答
蕭姑娘話肚B理解能力較弱，雖然認知OK但對一啲抽象嘅野就唔明，而表達能力方面亦較弱，唔識點運用番啲詞彙出黎。所以肚B只可以跟到一啲死板嘅指示，或者係死記一啲字或者句子再講番出黎。另外，雖然肚B有眼神接觸但唔算經常望人，當蕭姑娘讚佢時冇乜表情，講野亦冇乜語氣較死板，但有時唔係好笑嘅位又會突然笑一下，好似假笑咁。
雖然係咁，蕭姑娘話肚B都有優點，就係記性都OK，好乖好聽話同埋好可愛（聽到依度我已經眼濕濕…蕭姑娘仲安慰我生完情緒係波動啲，肚B唔係真係咁差），雖然肚B不停咁想行開或者搞依樣果樣，但蕭姑娘叫佢坐好，雙手擺好，肚B都即刻做。
蕭姑娘話佢會寫紙轉介肚B去排言語治療，但期間可以多啲訓練肚B。肚B理解能力較弱，所以講野要盡量簡短，同埋因為肚B靠死記，所以要響佢角度去講出黎，就好似：
- 肚B想我陪佢一齊玩會講「媽咪，我想拖住」，本來我會講「你係咪想講咁咁咁」，但蕭姑娘叫我要教佢講「媽咪，陪我玩」，如果唔係肚B就會連「你係咪想講」都背埋出黎
- 由於肚B係靠人地講嘅說話，響某啲情況再講番出黎，好似我同佢沖涼我會講「媽咪，幫你沖涼」，當佢想我幫佢沖涼就會照咁講出黎，所以要教番佢講「媽咪，幫我沖涼」
- 有啲認知要教番啱，好似肚B見到把梳會講「把梳」，要教番佢係「梳」。
唯有靠多啲描述所見嘅事，等肚B背左個意思再運用出黎，慢慢建立佢個理解同表達能力，但由於肚B講出黎少語氣，所以蕭姑娘提我地要好自然咁講出黎，等肚B學埋。
由於蕭姑娘提到肚B眼神接觸唔夠，又問我肚B有冇啲固執嘅行為，我問佢肚B會唔會仲有其他方面問題。蕭姑娘話原來見醫生係另一條隊，要等醫生評估先可以答到除左語言方面仲有咩問題。
之後蕭姑娘叫我地出番大堂等等，佢會畀份報告同埋轉介信我地去排期。因為覺得蕭姑娘好熟面口，上Youtube睇番之前健康院畀果隻《BB話你知》光碟內容，問番原來依位蕭姑娘就係光碟裡面果位言語治療師，我仲話當時睇佢果part「言語治療師話你知」學左啲技巧同肚B玩，肚B真係有進步呢！
整體黎講，蕭姑娘話肚B語言理解約2歲9個月，主要係理解抽象問題嘅能力較弱。至於語言表達就約2歲6個月，就要係應對、語言運用同埋句子組織方便較弱。蕭姑娘響報告裡面建議我地：
- 多描述日常生活的事情，邊做邊說，以輔助孩子發展其語言理解和表達能力
- 在遊戲中，可多描述遊戲的過程，以增強孩子的理解和表達能力
- 多與孩子一起玩有來有往的遊戲，讓孩子從中學習溝通的技巧
- 多擴展孩子日常的詞彙（如：名詞、動詞、形容詞等等）
- 多用語言來協助孩子表達他的意思（如：心情、動作等等）
- 多鼓勵孩子參與群體活動，家長或老師可以從旁提點，讓孩子從中學習溝通技巧
- 可從日常生活相關的事物開始，多用說話來描述它們的關係，由具體開始，讓孩子漸漸掌握事物間的關係
- 多鼓勵及讚賞，讓孩子在輕鬆愉快的環境下學習語言
