生第一胎果年係2012年，果時本來冇唸住餵人奶，不過阿爸叫我最少要餵半年人奶，因為我細個冇食人奶所以身體比阿哥差喎。之後我搜集資料，發覺餵人奶對BB係最好，所以就下定決心要餵人奶。
當時未生已經揀定奶泵，見比較多人講Medela Freestyle（雙泵）同Medela Swing（單泵），因為價錢問題同唔知自己餵到幾耐，所以就揀左Swing。結果部Swing陪到我14個月掛泵，之後又借過畀2個朋友用，到我生第二胎都係用佢。前排突然發現個泵唔夠力，連奶量都唔穩定，咁橋另一部Swing又借左畀人，所以想買多個泵做後備。
睇Baby Kingdom除左Medela，宜家好多人講Spectra 9+、Unicom同優合，都係好用又抵嘅選擇，不過我最終揀左優合，因為一個「平」字。最重要係，優合條軟喉可以套落Medela條喉個插頭，咁我可以用番晒Medela啲parts呢！
優合奶泵有幾款，有一款RMB99單泵係插USB，另一款RMB180單泵就可以用埋乾電同埋有個顯示屏，而佢個雙泵都係RMB369。我揀左RMB99果款，因為插USB可以用番手機啲叉座唔洗轉插頭，而且出街用尿袋都得。
優合RMB99奶泵 vs Medela Swing
睇BK好多人講優合奶泵好大力，有啲人欣賞佢夠大力泵得快兼清，有啲人就話太大力泵到痛。我第一次用真係有啲痛架，後尾發現佢個吸奶mode唔係最細力所以痛，我每次會按「-」用最細力開始吸，咁就唔痛啦。
優合同Medela Swing比較，優合係較輕便、吸力較大同埋細聲，而且佢有個制去轉按摩mode或吸奶mode。相比起Swing淨係開機頭一段時間係按摩mode，我覺得優合方便好多，因為當泵到冇乜奶出時，我都係夠按摩mode去引奶陣先可以泵多啲奶。我每次兩邊加埋泵30分鐘，優合個按摩mode可以引到4-5次奶陣，同Swing差唔多。
優合條軟喉冇插頭，所以可以好似咁套落Medela個插頭度用
有時貪方便用尿袋插住黎泵奶（按摩mode著紅燈，吸奶mode著藍燈）
用左2次個優合已經一時有力一時冇力，問淘寶個賣家佢叫我留意啲parts個安裝，我先留意到原來我其中兩set parts個白膜裂左少少，另一set個白膜就冇事，唔怪得啦 =_=！雖然係咁，我都覺得優合奶泵係買得過呢，我宜家都係用優合多過Swing（尤其係半夜起身泵奶）。
優合RMB99奶泵 vs Medela Swing
睇BK好多人講優合奶泵好大力，有啲人欣賞佢夠大力泵得快兼清，有啲人就話太大力泵到痛。我第一次用真係有啲痛架，後尾發現佢個吸奶mode唔係最細力所以痛，我每次會按「-」用最細力開始吸，咁就唔痛啦。
優合同Medela Swing比較，優合係較輕便、吸力較大同埋細聲，而且佢有個制去轉按摩mode或吸奶mode。相比起Swing淨係開機頭一段時間係按摩mode，我覺得優合方便好多，因為當泵到冇乜奶出時，我都係夠按摩mode去引奶陣先可以泵多啲奶。我每次兩邊加埋泵30分鐘，優合個按摩mode可以引到4-5次奶陣，同Swing差唔多。
優合條軟喉冇插頭，所以可以好似咁套落Medela個插頭度用
有時貪方便用尿袋插住黎泵奶（按摩mode著紅燈，吸奶mode著藍燈）
用左2次個優合已經一時有力一時冇力，問淘寶個賣家佢叫我留意啲parts個安裝，我先留意到原來我其中兩set parts個白膜裂左少少，另一set個白膜就冇事，唔怪得啦 =_=！雖然係咁，我都覺得優合奶泵係買得過呢，我宜家都係用優合多過Swing（尤其係半夜起身泵奶）。
