6週照胎囊

終於等到5週6去照胎囊，好彩一切正常，亦都可以排除係宮外孕。藍醫生話好似一個啤梨果個就係子宮，裡面有個黑色楕圓形就係胎囊，而中間有一點白色就係營養液，用黎供應胚胎營養。



另外，藍醫生提我如果要響私家醫院生就要早啲book期。我同老公一早都唸住book定私家，而藍醫生響掛單法國醫院，所以就決定book左先。藍醫生仲畀左張收費表畀我，我地話唸住開刀，藍醫生叫我地預埋兒科費用約5-6萬，好彩都係預算之內。



再約下次覆診就可以見到閃閃（即BB心跳），真係好期待呀！