6週見紅

自從有左之後真係好驚險，繼下腹痛之後，尋日先照完胎囊好地地，今日同同事食完飯返公司，去廁所時見紅，仲要係鮮紅色有4至5個5蚊銀咁多，真係嚇死我！咁橋自己睇開個醫生下晝放假，雖然係約左聽日見醫生，但我真係好驚，結果同事介紹左有個婦科醫生畀我去睇。

我比預約時間早左去，但醫生都照畀我入去等，果時身上冇現金問姑娘話唔收卡，我唸住落去提款姑娘仲叫我唔洗急。後尾入去見醫生，佢知我尋日先照完胎囊而聽日又會見自己婦科醫生，所以冇幫我照陰超，只係開左兩日病假畀我休息。

後尾姑娘畀張醫生紙我，我問幾多錢，佢話醫生唔收我錢，真係估唔到佢咁好人。自此至後，我都一直將依位醫生張覆診卡放響手袋，難怪我同事介紹佢亦都搵佢做後備醫生。