8週閃閃

終於捱過一個星期可以去覆診，去見醫生果段路睇得出老公都好緊張，搭電梯又差啲上多一陣，搭lift冇睇清楚就想出lift。

上到診所好快見到藍醫生，佢幫我照陰超時見到個胎囊大左好多，同埋有個人形響裡面，不過我仍然好緊張。直頭藍醫生畀我睇有一點閃下閃下就係BB心跳，我即刻忍唔住喊出黎，係開心果種喊。藍醫生話BB胎長18mm，個size符合番週數，而胎囊上面果個係營養囊，BB健康正常。真係好開心、好感動、好感恩，BB有同我一齊努力架！

今次藍醫生就畀左法國醫院張form我，叫我要16週之前畀訂金，真係鬆一口氣！